В среду, 10 ноября, чтят память святой Параскевы, претерпевшей пытки и мученическую смерть за христианскую веру. Realist.online собрал главные молитвы к святой.
Читай также: Параскева Пятница: история и традиции праздника
Молитва 1‑я
О святая и преблаженная мученице Христова Параскево, красото девическая, мучеников похвало, чистоты образе, великодушных зерцало, премудрых удивление, веры христианския хранительнице, идольския льсти обличительнице, Евангелия Божественнаго поборнице, заповедей Господних ревнительнице, сподобльшаяся приити ко пристанищу вечного покоя и в чертоге Жениха твоего Христа Бога светло веселящаяся, сугубым венцем девства и мученичества украшенная! Молим тя, святая мученице, буди о нас печальница ко Христу Богу, Его же преблаженнейшим зрением присно веселитися; моли Всемилостиваго, иже словом очи слепым отверзе, да избавит нас от болезни очес наших, телесных вкупе и душевных; разжени твоими святыми молитвами темный мрак прибывший от грехов наших, испроси у Отца Света свет благодати душевным и телесным очесем нашим; просвети нас, омраченных грехми, светом Божия благодати, да твоих ради святых молитв дастся безочесным сладкое зрение.
О великая угодница Божия! О мужественнейшая дево! О крепкая мученице святая Параскево! Святыми твоими молитвами буди нам грешным помощница, ходатайствуй и молися о окаянных и зело нерадивых грешницех, ускори на помощь нам, ибо зело немощны есмы. Моли Господа, чистая девице, моли Милосердаго, святая мученице, моли Жениха твоего, непорочная Христова невесто, да твоими молитвами пособствоваши, мрака же греховнаго избывше, во свете истинныя веры и деяний Божественных внидем во свет вечный дне невечерняго, во град веселия приснаго, в немже ты ныне светло блистаеши славою и веселием безконечным, славословящи и воспевающи со всеми Небесными Силами Трисвятительное Единое Божество, Отца и Сына и Святаго Духа, ныне и присно и во веки веков. Аминь.
Молитва 2‑я
Святая невесто Христова, многострадальная мученице Параскево! Вемы, яко от юности твоей ты всею душою твоею и всем сердцем твоим возлюбила еси Царя славы, Христа Спасителя и Ему единому уневестилася еси, раздавши имения твоя неимущим и бедным. Ты силою благочестия твоего, твоим целомудрием и праведностью, яко лучами солнечными, просияла еси, живши свято среди неверных и безбоязненно проповедавши им Христа Бога. Ты, от дней юности твоеq, наученная твоими родителями, всегда благоговейно чествовала дни искупительных страстей Господа нашего Иисуса Христа, Егоже ради и сама добровольно пострадала еси. Ты, десницею ангела Божия от неисцельных ран дивно исцеленная и восприявшая неизреченную светлость, изумила еси неверных мучителей.
Ты, именем Господа нашего Иисуса Христа и силою молитвы твоею в капище языческом всех идолов долу повергши, в прах сокрушила еси я. Ты, опаляемая свещами, единою молитвою твоею ко всесильному Господу угасила еси огнь естественный, и тем же пламенем, чудесне возжженным чрез ангела Божия, попаливши неистовых беззаконников, мног народ привела еси к познанию истинного Бога.
Ты, во славу Господа приявши мечное главы твоей усечение от мучителей, доблественно скончала еси страдальческий твой подвиг, возшедши душою твоею на небеса, в чертог вожделеннаго твоего Жениха Христа Царя Славы, радостно сретшаго тя сим небесным гласом: “Радуйтеся, праведнии, яко мученица Параскева увенчася!” Темже и мы днесь приветствуем тебя, многострадальная, и, взирающе на святую твою икону, с умилением вопием ти: всечестная Параскево!
Вемы, яко велие имаши дерзновение ко Господу: умоли убо Его Человеколюбца и о нас с предстоящих и молящихся ти, да подаст Он и нам, якоже тебе, терпение и благодушие в бедах и скорбных обстояниях; да дарует Он, ходатайством твоим и заступлением, радостное, благоденственное и мирное житие, здравие же и спасение, и во всем благое поспешание возлюбленному нашему отечеству, да ниспошлет святое Свое благословение и мир, и всем православным христианам да подаст твоими святыми молитвами утверждение в вере, благочестии и святости, преспеяние же в христианской любви и всякой добродетели: да очистит нас грешных от всякий скверны и порока, да оградит нас святыми Своими ангелами, да заступит, сохранит и помилует всех святою Своею благодатию и сделает наследниками и причастниками Небесного Своего Царствия.
И тако улучивше спасения твоими святыми молитвами, предстательством и заступлением, всеславная невесто Христова Параскево, прославим все пречистое и великолепое имя дивного во святых Своих истинного Бога, Отца и Сына и Святого Духа, всегда, ныне и присно и во веки веков. Аминь.
Личное прошение
О, святая и преблаженная мученице Христова Параскево! Святыми твоими молитвами буди помощница нам грешным (имена), ходатайствуй, да твоими молитвами сподобимся (содержание прошения), и купно с тобою да славословим и воспеваем Отца и Сына и Святого Духа, ныне и присно и во веки веков. Аминь.
Тропарь великомученицы Параскевы Пятницы:
Премудрая и всеми прославляемая Христова мученица Параскева, мужскую силу получив, а женскую слабость отвергнув, диавола победила и мучителя посрамила, взывая и говоря: "Придите и рассеките тело мое мечом и сожгите огнем, ибо я, радуясь, иду ко Христу, Жениху моему". По ее молитвам, Христос Бог наш, спаси души наши.
Кондак, глас 3:
Всесвятое и непорочное мучение принеся, как драгоценное приданое, бессмертному Жениху Христу, Ангельское собрание возрадовала ты и победила демонские козни. Потому с верой тебя почитаем, мученица Параскева многострадальная.
Напомним, ноябрь богат на церковные праздники. В частности, 14 ноября христиане восточного обряда чтят память бессеребренников и чудотворцев Космы и Дамиана, а также традиционно молятся за детей-сирот.
